Një aksident i rëndë ka ndodhur mëngjesin e sotëm në rrugën nacionale Çermë-Divjakë, në Lushnje, ku një automjet ka dalë nga rruga dhe ka përfunduar në kanal.
Bëhet fjalë për një automjet tip Volkswagen Passat ku udhëtonin katër persona. Mjeti ka ardhur nga rruga e Çermë-Sektorit për të dalë në aksin drejt autostradës, por drejtuesi nuk ka arritur të frenojë duke përfunduar në kanal.
Përplasja ka rezultuar fatale për Majlinda Sulën, 47-vjeçare, e cila ka humbur jetën në vendngjarje. Të plagosur kanë mbetur tre persona të tjerë: drejtuesi i mjetit, Ferit Mekshi, 63 vjeç, bashkëshortja e tij Afërdita Mekshi, 37 vjeçe, dhe djali i saj, 15-vjeçar. Ata ndodhen në gjendje të rëndë në spital, nën kujdesin e mjekëve.
