Kryeministri Edi Rama komentoi dorëheqjen e kryebashkiakut të Vlorës, Ermal Drdheni, gjatë prezantimit të kabinetit qeveritar.
Rama deklaroi nga Asambleja se Dredha duke qëndruar larg Vlorës si diplomat, u zbut më shumë seç duhet.
Ai theksoi se drejtorët në qytetin bregdetar, që i konsideroi si pa fe dhe pa atdhe, hipën mbi shpatullat e qeverisë.
Edi Rama: Vetëkënaqësi labe, e mbingarkuar me re në pantallonat e pushtetit. Dembelizëm dhe karshillëk ndaj populli të Vlorës, e një aradheje e njerëzve të pa fe, pa atdhe. Të tërë hipur mbi shpatullat e qeverisë, në kuptimin që qeveria investon për Vlorën dhe këta shkelën me këmbë Vlorën, hipur si pasagjerët mbi autobusin e Kuçit. E gjithë kjo situatë do ishte gabim të lidhej me kryetarin e bashkisë. Në të gjithë situatë, ai është më i miri. Sepse nëse lidhet vetëm, me kryebashkiakun bëhet gabimi tjetër që iu ngel vetëm, Vlorës. Nuk është vetëm Vlora.
Dorëheqja e Emalit (Dredhës) është treguesi i asaj që pashë, i një njeriu që e ndjen, e do Vlorën dhe që i vetmi problem që ka është duke ndenjur për një kohë shumë të gjatë larg Vlorës si diplomat, u zbut më shumë seç duhet për të përballur aradhenë. Uroj që skuadra e re e deputetëve të Qarkut të Vlorës, mos ta harrojnë asnjë ditë se përfaqësimi i Vlorës në radhët e PS është një privilegj.
