Një ngjarje e rëndë është regjistruar mbrëmjen e kësaj të mërkure pranë një postoblloku në hyrje të qytetit të Shkodrës.
Burime për mediat bëjnë me dije se dy persona kanë kërcënuar me fjalë dhe armë efektivët e forcave “Shqiponja” të policisë.
Sipas mediave, gjatë një patrullimi në hyrje të Shkodrës, dy shtetas janë ndalur pranë forcave “Shqiponja” dhe i kanë drejtuar kërcënime të rënda me fjalët “Do t’ju hapim barkun me plumba”. Më pas, ata jane larguar me shpejtësi.
Efektivët kanë reaguar menjëherë duke vënë në ndjekje dy personat, të cilët mësohe se janë ndaluar nga policia vendore e Shkodrës. Të dy janë shoqëruar në komisariat për t’u marrë në pyetje.
Raportohet se njëri prej personave të shoqëruar eshte efektiv i Forcave të Ndërhyrjes së Shpejtë, por në momentin e kërcënimit nuk ka qenë në shërbim policor.
Arsyet e këtij kërcënimi mbeten të paqarta, teksa nuk dihet nëse do të ketë komunikatë nga Policia e Shkodrës në lidhje me këtë ngjarje apo jo.
