Policia e Korçës ka arrestuar në flagrancë R. M., 25 vjeç, banues në Korçë, i dyshuar për vjedhje dhe tentativë vjedhjeje gjatë natës.
I riu dyshohet se ka vjedhur një shumë parash dhe mallra të ndryshme në një lokal në lagjen nr. 7, si dhe ka tentuar të hyjë me dhunë në një dyqan, duke dëmtuar kangjellat dhe thyer xhamat.
“Shërbimet e Komisariatit të Policisë Korçë arrestuan në flagrancë shtetasin R. M., 25 vjeç, banues në Korçë, pasi nga hetimet e kryera mbi dy kallëzime, dyshohet se gjatës natës, në lagjen nr. 7, ky shtetas:
-ka vjedhur një shumë parash dhe mallra të ndryshme në një lokal;
-ka tentuar të vjedhë në një dyqan, pasi ka dëmtuar kangjellat dhe ka thyer xhamat.”, njofton policia.
