Kosova është tronditur mbrëmjen e sotme nga një tjetër ngjarje e rëndë kriminale, ku një vrasje me armë zjarri është regjistruar rreth orës 19:30 në fshatin Llapashticë të Podujevës.
Mediat vendase raportojnë se viktima është shtetasi Arif Spahiu, rreth 43 vjeç, ndërsa si autor i dyshuar i krimi është shtetasi Arbër Havolli, rreth 32 vjeç, i cili vijon të jetë ende në arrati.
Ata kanë qenë brenda një automjeti tip “Opel”, ku kanë zbilluar një bisedë së bashku dhe duket se situata ka degraduar, duke bërë që gjatë konfliktit, Havolli të nxjerrë armën dhe të qëllojë për vdekje Spahiun.
Ende nuk dihen motive, por dyshohet se kemi të bëjmë me një vrasje pas një konflikti të çastit.
Policia e Kosovës po ushtron kontrolle në terren për të bërë të mundur kapjen e autorit, ku ka ushtruar kontrolle edhe në banesën e tij, por deri më tani pa rezultat.
Hetuesit policorë, në koordinim me prokurorin e shtetit, kanë nisur hetimet për zbardhjen dhe sqarimin e rrethanave në lidhje me rastin.
