Forcat Mbrojtëse të Izraelit sulmuan një ndërtesë të lartë civile në Qytetin e Gazës, të cilën Hamasi e kishte shndërruar në një strukturë terroriste të përdorur për të kryer sulme kundër trupave izraelite në zonë.
IDF e raportoi këtë në një deklaratë në Telegram, duke deklaruar se Hamasi krijoi një tunel nëntokësor brenda ndërtesës, të cilin terroristët e përdorën si bazë për prita kundër trupave izraelite dhe si një rrugë arratisjej.
“Para sulmit u morën masa paraprake për të zbutur dëmin ndaj civilëve, duke përfshirë paralajmërime të hershme për popullsinë, përdorimin e municioneve precize, mbikëqyrjen ajrore dhe mbledhjen shtesë të inteligjencës”,– përfundon deklarata.
Ndërtesa 12-katëshe e quajtur “Kulla e Mushtaha” që Forcat Mbrojtëse Izraelite (IDF) goditën është një nga më të lartat në Qytetin e Gazës.
Sipas Al Jazeera-s, sulmi shkaktoi dëme të shumta, ndërsa disa civilë të plagosur u dërguan në spitalin al-Shifa për trajtim mjekësor.
