Policia e Sarandës ka konstatuar në rrugën “Riviera” në Ksamil, ndërtimin e dy objekteve me konstruksion blloqe betoni, të papërfunduara, në tokë publike, pa leje nga organet kompetente.
Si rezultart, ka arrestuar 4 persona që janë kapur duke punuar aty, shtetasit E. P., 36 vjeç, R. M., 34 vjeç, M. M., 47 vjeç, dhe A. A., 19 vjeç, banues në Sarandë.
Ndërkohë, është shpallur në kërkim shtetasi A. P., 42 vjeç, banues në Ksamil, i dyshuar si personi që kishte punësuar shtetasit e lartpërmendur për të ndërtuar pa leje në tokë publike.
Materialet procedurale i janë referuan Prokurorisë së Sarandës për veprat penale “Ndërtimi i paligjshëm” dhe “Pushtimi i tokës”.
