Departamenti i Drejtësisë i Shteteve të Bashkuara ka publikuar së fundmi dosjen për Charles McGonigal, ish-agjentin e FBI-së, duke zbuluar detaje që lidhin aktivitetet e tij me Shqipërinë dhe me kryeministrin shqiptar, Edi Rama.
Sipas raportit, McGonigal i kishte dërguar një foto mikut të tij më 9 shtator 2017, ku shfaqej së bashku me Ramën. Në mesazhin që e shoqëronte foton, ish-agjenti shkruante se Rama po reformonte sistemin e drejtësisë në Shqipëri, dhe se ky zhvillim ofronte “shumë mundësi”.
Raporti konfirmon gjithashtu se McGonigal kishte zhvilluar takime të fshehta në Tiranë dhe Nju Jork me individë të cilët përshkruheshin si “ish-zyrtarë të lartë të qeverisë shqiptare”. Ai pati edhe dy darka private me kryeministrin Rama gjatë vizitave të tij, të cilat nuk i raportoi kurrë te institucionet përkatëse, një shkelje serioze e rregullave të FBI-së dhe ligjeve federale të SHBA-së.
Veprimet e McGonigal sipas raportit përbëjnë pjesë të një serie veprimtarish të ndaluara, që minuan integritetin dhe besueshmërinë e FBI-së, duke përfshirë marrëdhënie dhe pagesa të paligjshme që lidhen me Shqipërinë.
LEXO EDHE:
Dosja e DASH/ McGonigal mori 225 mijë $, udhëtime e takime të fshehta me Edi Ramën
