Stilisti i njohur italian Giorgio Armani ka ndërruar jetë në moshën 91-vjeçare. Lajmi u konfirmua këtë të enjte nga kompania e tij.
“Me dhimbje të madhe, Grupi Armani njofton ndarjen nga jeta të themeluesit dhe forcës që e udhëhoqi gjithmonë: Giorgio Armani”, thuhet në deklaratë.
Armani u bë simbol i stilit dhe elegancës italiane, duke krijuar një perandori mode që realizonte mbi 2.3 miliardë euro në vit. Ai ishte një nga emrat më të mëdhenj të modës botërore, duke kombinuar krijimtarinë me suksesin në biznes.
Vetëm disa muaj më parë, në janar 2025, Armani ishte shfaqur në Paris në sfilatën e koleksionit të tij të fundit “Haute Couture Pranverë/Verë 2025”.
