Dy adoleshentë, të moshave 17 vjeç dhe 18 vjeç, janë shpallur në kërkim nga Policia e Krujës, pas kallëzimit të një 27-vjeçari, i cili pretendon se ata kanë qëlluar me armë zjarri në drejtim të tij.
Burime zyrtare thonë se ngjarja ka ndodhur pas një konflikti për motive të dobëta, teksa si pasojë e të shtënave me armë nuk janë shkaktuar dëmtime.
“Specialistët për Hetimin e Krimeve të Komisariatit të Policisë Krujë shpallën në kërkim 2 shtetas të moshave 17 vjeç dhe 18 vjeç, pasi ka kallëzuar një 27-vjeçar, se për motive të dobëta, kanë qëlluar në drejtim të tij, me armë zjarri, por pa shkaktuar dëmtime.” – thuhet në njoftim.
Policia thotë se po punohet për kapjen e 2 shtetasve, si dhe për verifikimin e kallëzimit dhe rrethanave të tjera të rastit.
