Avioni me të cilin po udhëtonte presidentja e Komisionit Evropian, Ursula von der Leyen, u detyrua të bënte një ulje të detyruar në Plovdiv.
“Financial Times” raporton se incidenti ndodhi të dielën kur von der Leyen po udhëtonte për në Bullgari, për shkak të një ndërhyrjeje të dyshuar ruse në sinjalin GPS.
Sipas gazetës, ishte një ndërhyrje ruse ajo që çoi në ndërprerjen e shërbimeve të navigimit GPS në aeroportin bullgar, duke detyruar avionin të përdorte hartat fizike për uljen.
Pengimi i aksesi në sistemin satelitor të navigimit, është një taktikë që Rusia ka përdorur më parë për të krijuar kaos në jetën civile.
Kjo teknikë historikisht është përdorur nga shërbimet ushtarake dhe inteligjente për të mbrojtur zona të ndjeshme.
“E gjithë zona e aeroportit mbeti pa sinjal GPS,” tha një burim për gazetën.
Piloti u detyrua të rrotullohej rreth aeroportit për një orë përpara se të merrte vendimin për të ulur avionin manualisht, duke përdorur vetëm hartat analoge pasi ndihmat elektronike të navigimit ishin jashtë funksioni.
“Ishte ndërhyrje e pamohueshme.”, thanë tre zyrtarë të njohur me incidentin për Financial Times se
Në një deklaratë pas sabotimit të dyshuar, Autoriteti Bullgar i Shërbimeve të Trafikut Ajror tha se ka pasur një “rritje të dukshme” të incidenteve të tilla që nga pushtimi i plotë i Ukrainës nga Rusia në shkurt 2022.
“Këto ndërhyrje prishin pranimin e saktë të sinjaleve GPS, duke sjellë sfida të ndryshme operative për aeroplanët dhe sistemet në tokë,” tha autoriteti.
Qeveritë e BE-së kanë ngritur alarmin se sulmet e dyshuara ruse rrezikojnë të shkaktojnë një katastrofë të madhe ajrore duke i lënë pilotët pa ndihmë navigimi gjatë fluturimit.
Avionët dhe anijet në detin Baltik dhe shtetet e Evropës Lindore pranë Moskës kanë përjetuar ndërhyrje të tilla në vitet e fundit, duke e bërë udhëtimin e tyre të rrezikshëm.
Shefja e Komisionit Evropian ishte rrugës për në Plovdiv për bisedime me kyeministrin bullgar Rosen Zhelyazkov, si pjesë e turneut të saj në shtetet kufitare të bllokut, për mbrojtjen e Ukrainës në luftën kundër Rusisë.
