Neritan Buzi është emëruar si shefi i ri i Komisariatit të Policisë Rrugore në Tiranë.
Lorenc Shehu, i cili ishte komanduar në këtë detyrë pas arrestimit të Roven Zekës, është rikthyer në detyrën e mëparshme si shef i Task Forcës së Rrugores në Drejtorinë e Përgjithshme të Policisë.
Para këtij emërimi, Buzi ka shërbyer si shef i komisariatit të Himarës, ndërsa në qershor ishte transferuar në doganën e Qafë Botës.
Në vitin 2022, ai u pezullua përkohësisht nga detyra pas ngjarjes tragjike në Potam, Himarë, ku ish-efektivi Arjan Tase përplasi me skaf një 7-vjeçare, Jonada Avdiaj, duke i shkaktuar vdekjen. Buzi u rikthye më pas në shërbim dhe tani merr drejtimin e Rrugores së Tiranës.
