Monika Kryemadhi është paraqitur këtë të hënë në ambientet e Prokurorisë së Posaçme (SPAK) në zbatim të masës së sigurisë “detyrim paraqitje”, në kuadër të dosjes për korrupsion, pastrim parash dhe fshehje pasurie për aferën CEZ-DIA dhe lobimin në SHBA.
Ajo hodhi akuza drejt prokurorëve të SPAK për shpërdorim detyre dhe tejkalim kompetencash, teksa pretendoi edhe se dëshmitarët janë intimiduar.
Kryemadhi paralajmëroi se nuk do të kërkojë gjykim të shkurtuar, dhe do të kërkojë ballafaqim me të gjithë dëshmitarët e thirrur nga SPAK, si dhe me të tjerë që ajo planifikon t’i thërrasë vetë. Po ashtu, ajo tha se do te ballafaqehen edhe analizat financiare të SPAK me ato qe ka bere eksperti i saj.
“Dosja ka zbritur nga kati i tretë në të parin nuk është se ka ndonjë qamet. Asnjë ndryshim. Gjatë kësaj kohe që unë kam marrë fashikuj, 5 CD, gjëja e parë që kam lexuar kanë qenë letër porositë. Në të gjitha letër porositë, qoftë nga SHBA, nga Anglia, Qirpo, Austria. Duket haptas një shpërdorim detyre nga ana e prokurorisë, ku vetë institucionet ia kanë bërë me dije. Me këto do të njiheni edhe ju. Ajo që bën përshtypje është se sigurisht nuk do ketë gjykim të shkurtuar pasi përveçse do kërkoj dëshmitarët që ka thirrur SPAK, por edhe shumë të tjerë. Sepse të gjithë, mbi 100 e ca asnjëri nuk ka deponim kundër meje, zotit Meta apo kundër të tjerëve.
Ajo që të bën përshtypje është se vepra penale, për mua apo mamanë time e të tjerët është pse unë paskam marrë një kredi në vitin 2010 dhe kredia qenka e paligjshme edhe pse kredinë që kam marrë është shlyer në një afat kohor 4-5 vjet ndërsa mamaja ime e ka shlyer për 9 muaj, me të ardhura të tjera. Ka analizë fincanciare prej 580 faqesh nga SPAK, ku ndërkohë kemi edhe ne analizën tonë. Do të ballafaqohen duke pasur një ndryshim. Analiza jonë financiare me atë të SPAK-ut, personi që e ka bërë nuk është ekspert i licencuar nga ministria e Drejtësisë, ndërsa ai që ka bërë timen është i licencuar.
Unë shikoj një shpërdorim detyre dhe tejkalim kompetencash. Në gjithë dosjen time, mua nuk ka ca më duhen llogaritë as të Shefqet Kastratit, as të Ital Betonit, as të Ilir Trebickës…nuk ka ca me duhen as kontratat e shtëpisë të blera në Kodrën e Diellit. Këto janë gjëra që SPAK i ka përdorur për të marrë informacione ndaj bizneseve të ndryshme. Unë e shikoj si tejkalim të kompetencave për të ushtruar intimidim ndaj bizneseve të ndryshme që mund të kenë qenë pjesë e komunikimit. Unë do të shoh edhe thirrjen e disa dëshmitarëve të tjerë. Emër konkret? Tani është shpejt për ta djegur si lajm, por janë emra interesantë. Edhe kushëriri im nga Amerika. Një nga memot që kam kërkuar është pse nuk është marrë në pyetje. Prokurori ka thënë se s’ka ardhur në Shqipëri. Por prokurori siç e ka marrë në pyetje McKeon.” – deklaroi Kryemadhi.
Në fund të bisedës me gazetarët, Monika Kryemadhi tha se nuk do të shkojë më në Prokurori. “Unë nuk vij mo…Më thanë mos hajde mo se kush të duron ty…”, tha Kryemadhi
