Policia e Kurbinit, në kuadër të operacionit të koduar “Koordinata”, ka goditur dy raste të kultivimit të bimëve narkotike, në fshatin Zhej.
Si rezultat ka arrestuar dy persona dhe një tjetër është shpallur në kërkim, ndërsa janë asgjësuar 221 bimë narkotike kanabis sativa si dhe janë sekuestruar 30 fara të kësaj bime.
Më konkretisht, është arrestuar shtetasi Ilir Seli,, 45 vjeç, i cili është kapur duke u kujdesur për 25 bimë narkotike që kishte kultivuar në oborrin e banesës.
Ndërkohë, raportohet se është shpallr në kërkim dhe shtetasi Pal Piroli, 64 vjeç dhe është vënë në pranga bashkëshortja e tij, shtetasja Age Piroli, 56 vjeçe, pasi dyshohet se kanë kultivuar 196 bimë narkotike në oborrin e banesës së tyre. Bëhet me dije se gjatë kontrollit në banesën e tyre, shërbimet e Policisë kanë gjetur dhe sekuestruan 108 fara të bimës narkotike kanabis sativa.
