Një aksident i rëndë ka ndodhur të premten e 29 gushtit në Golem, ku një person që po pjekte misra në anë të rrugës u përplas nga një automjet që lëvizte kundravajtje. Sipas denoncimeve, makina është në pronësi të hotelit De Light, dhe drejtuesi i saj pas përplasjes u largua nga vendi i ngjarjes.
Si pasojë e aksidentit, i lënduari ka pësuar thyerje të dhëmbëve, shpatullës dhe disa brinjëve, dhe aktualisht ndodhet i shtruar në spitalin e Durrësit me lëndime të shumta. Familjarët dhe qytetarët kanë bërë apel për ndërhyrjen e autoriteteve, duke theksuar se makina që shkaktoi aksidentin ka lëvizur kundravajtje edhe më parë dhe ka qenë pjesë e disa incidenteve të tjera.
Më poshtë denoncimi i qytetarit tek JOQ:
Përshëndetje JOQ! Ka ndodhur një aksident në Golem të premten në orën 5 e ca mbazdite. Një shitës misrash u përplas nga një makinë që bën rrugën kundravajtje dhe çon pushuesit te hotel DE Light.
E përplasi dhe e la aty, policia thotë ka qenë i pirë, nuk vete të marrë viktimën t’i bëjë matjet e alokit. Familjarët bënë denoncim, policia nuk përgjigjet.
Kjo është rruga dhe makina që përplasi misër-pjekësin, xhaxhi Ganin. Ai është një hallexhi që punon për copën e bukës, kurse kjo makinë kalon kundravajtje dhe policia nuk ndërhyn. Bëhet shkak aksidenti, ja misë-pjekësi po lufton në spital dhe nuk iu përgjigj lokali De Light.
Ja ka thyer dhëmbët, shpatullën dhe brinjët. Ju falanedojmë shumë nëse e publikoni si rast, se nuk është hera e parë që ky automjet bën aksident, por ky rast është fatal. Personi është akoma në reanimacionin e spitalit të Durrësit, në pritje të skanderit të radhës.
