Kapiteneria e portit detar të Vlorës ka vendosur të pezullojë lundrimin për sot brenda gjirit të Vlorës për mjetet e vogla lundruese dhe ato të peshkimit.
Përmes një njoftimi, Kapiteneria e portit detar të Vlorës thekson se ky vendim vjen për shkak të kushteve të përkeqësuara të motit. Ndërsa për anijet e transportit ndërkombëtar detar është vendosur që të vazhdojnë të operojnë normalisht sipas destinacioneve përkatëse.
Po ashtu në njoftim thuhet se përmirësimi i situatës së motit pritet pas orës 08:00 të datës 31.08.2025.
Njoftimi i plotë:
Kapiteneria e portit detar të Vlorës për shkak të kushteve të përkeqësuara hidrometerologjike ka vendosur të pezullojë lundrimin brenda gjirit të Vlorës për mjetet e vogla lundruese dhe ato të peshkimit për këtë të shtunë
Njoftim për kushtet hidrometeorologjike detare datë 30.08.2025
Në bazë të parashikimit për situatën hidrometeorologjike të përkeqësuar jashtë gjirit të Vlorës, gjatë datës 30.08.2025 duke filluar nga ora 12:00 datë 30.08.2025, kushtet hidrometeorologjike do të jenë në drejtimin JUG-JUG-LINDJE në forcën deri 5-6bft me shpejtësi ere deri 10-15m/s dhe lartësi dallge nga 1.00 deri 1.50 metra, kërkojmë :
1.ËSHTË NDALUAR PAJISJA ME LEJE-NISJE E MJETEVE TË VOGLA LUNDRUESE DHE ATO TË PESHKIMIT TË CILAT DUAN TË OPEROJNË JASHTË GJIRIT TË VLORËS NË DET TË HAPUR DUKE FILLUAR NGA ORA 10:00 DATË 30.08.2025.
2.TË GJITHË DREJTUESIT E MJETEVE TË VOGLA LUNDRUESE DHE ANIJEVE TË PESHKIMIT QË OPEROJNË BRENDA GJIRIT TË VLORËS DHE HIMARËS TË MARIN NË KONSIDERATË KUSHTET HIDROMETEOROLOGJIKE DHE MARJEN E MASAVE PËR SIGURIMIN E TYRE.
3.ME QËLLIM PARANDALIMIN E ÇDO SITUATE TË PAPRITUR PËR SHKAK TË KUSHTEVE ATMOSFERIKE, KËRKOJMË BASHKËPUNIMIN E TË GJITHË SUBJEKTEVE DHE INSTITUCIONEVE QË USHTROJNË VEPRIMTARI NË FUSHËN E DETARISË, PËR TË MARRË TË GJITHA MASAT E NEVOJSHME PËR SIGURIMIN E MJETEVE NË PORT DHE RRITJE E GADISHMERISË SË EKUIPAZHIT NË MJETET LUNDRUESE.
4.Anijet e transportit ndërkombëtar detar do të vazhdojnë të operojnë normalishtë sipas destinacioneve përkatëse.
5.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 08:00 të datës 31.08.2025.
