Presidenti Donald Trump deklaroi se administrata e tij do të kërkojë dënimin me vdekje për çdo rast vrasjeje që ndodh në kryeqytetin amerikan, Uashington.
“Kushdo që vret në kryeqytet, do të përballet me dënimin me vdekje. Kjo është një masë e fortë parandaluese, edhe pse nuk e di nëse vendi është gati për të. Nuk kemi zgjidhje tjetër,” tha Trump gjatë një takimi me kabinetin, raporton CNN.
Ai sqaroi se masa do të zbatohet vetëm në Uashington, ndërsa shtetet e tjera do të vendosin vetë për legjislacionin e tyre.
Aktualisht, Uashingtoni nuk e njeh dënimin me vdekje, por qeveria federale e ka në fuqi. Prokurorët në kryeqytet punojnë nën juridiksionin e Prokurorit të SHBA-së, të emëruar nga autoritetet federale.
