Një ditë pasi Pandeli Nakoleci vrau me thikë bashkëshorten e tij 36-vjeçare, Marjola Nakoleci, ka reaguar në rrjetet sociale edhe vajza e çiftit.
Në një postim të ndjerë, e reja i dedikon disa fjalë prekëse, teksa thekson se do t’i mungojë shumë dhe se ajo së bashku me vëllain dhe dy motrat e duan shumë.
“Ike, mami im, do të më mungosh shumë. E di që po na sheh atje lart, por unë Dino, Melisa dhe Asimina të duam shumë. Je gjithmonë në jetën tonë”, shkroi vajza bashkangjitur fotove në krahët e saj.
Babai i fëmijëve, i cili u vra nënën para syve të tyre, u arrestua mesditën e sotme nga policia, pasi ishte arratisur menjëherë pas krimit.
Pas krimit, 40-vjeçari deklaroi se arsyeja e krimit ishte se Marjola e tradhtonte.
Ai kishte qenë më parë i dënuar për çështje që lidhen me trafikun e drogës, dhënien e dëshmive të rreme dhe përfshirje në organizatë kriminale. Sipas raportimeve, megjithëse kishte pasur sjellje shqetësuese, nuk kishte denoncime të mëparshme për dhunë në familje.
Fqinjët kanë deklaruar se kishin dëgjuar shpesh zëra të lartë nga banesa e çiftit, por duket se situata nuk ishte bërë asnjëherë e njohur zyrtarisht.
Autopsia e viktimës pritet të kryhet në Selanik gjatë ditëve në vijim për të përcaktuar saktësisht shkaqet e ndarjes së saj nga jeta.
