Kepi i Rodonit në Durrës, një nga zonat më të vizituara nga turistët në Shqipëri, është mbushur me plehra dhe mbetje, duke krijuar një pamje shqetësuese për ata që e frekuentojnë këtë vend.
Qytetarët që vizitojnë këtë vend janë të shqetësuar për situatën dhe kërkojnë ndërhyrje urgjente nga autoritetet lokale dhe kombëtare për pastrimin dhe ruajtjen e natyrës.
Për ata që do të duan ta vizitojnë këtë vend të mrekullueshëm, duket se një turizëm i tillë mund të ketë pasoja negative nëse nuk merren masa për menaxhimin e mbetjeve.
“Kështu i pret shteti shqiptar turistët? Kepi i Rodonit mbuluar nga plehrat” tha një qytetar i cili e ka vizituar Kepin e Rodonit kohët e fundit.
Ai thekson se përpjekjet për pastrimin e plazheve dhe zonave natyrore duhet të jenë të vazhdueshme, përndryshe vizitorët do të humbin interesin për t’u rikthyer.
Mjedisi i pastër dhe i ruajtur është një element kyç për zhvillimin e turizmit të qëndrueshëm në Shqipëri.
Bashkia Durrës me kryetare Emirjana Sakon duhet të veprojë urgjentisht dhe të krijojë strategji afatgjata për pastrimin dhe mbrojtjen e resurseve natyrore./ JOQ
