Një aksident i rëndë rrugor ka ndodhur në SHBA, ku një autobus turistik që po kthehej nga Ujëvarat e Niagarës drejt Nju Jorkut është përmbysur në një autostradë kryesore.
Ngjarja ka ndodhur në autostradën I-90, pranë zonës Pembroke, rreth 40 kilometra në lindje të Buffalo-s. Sipas mediave të huaja, autobusi kishte mbi 50 pasagjerë në bord.
Për pasojë, raportohet se një person ka humbur jetën, ndërsa disa të tjerë kanë mbetur të plagosur, mes tyre edhe në gjendje të rëndë.
Një pjesë e pasagjerëve janë nxjerrë nga rrënojat, ndërsa disa të tjerë vazhdojnë të jenë të bllokuar brenda mjetit. Operacionet e shpëtimit vijojnë në terren, teksa ekipet mjekësore dhe zjarrfikësit po punojnë për të ndihmuar të mbijetuarit.
Sherifi i qarkut Erie, Mark Poloncarz, në një reagim në platformën X (ish-Twitter), konfirmoi se mes viktimave ka edhe persona të plagosur rëndë dhe theksoi se bilanci mund të ndryshojë në orët në vijim.
