Një dëshmitar okular ka treguar momentet dramatike nga aksidenti tragjik në autostradën Egnatia në Greqi, ku humbën jetën tre shqiptarë: Viktor Bushi, Klarenc Kacaj dhe Marianka Bushi (Aliraj). Një pasagjere tjetër, Magdalena Kacaj, mbeti e plagosur.
Dëshmitari tha se viktimat u përpoqën të shpëtonin. Ai shtoi se makina mori flakë shumë shpejt dhe filluan shpërthime nga gomat dhe zjarri i kamionit që goditi dy automjetet: “Dëgjonim tre personat duke u lutur t’i nxirrnim jashtë. ‘Na nxirrni jashtë, na nxirrni jashtë’. Ata bërtisnin ‘ndihmë, na nxirrni jashtë, na shpëtoni’. Njerëzit po digjeshin të gjallë. I pamë me sytë tanë dhe të tre ishin karbonizuar. Nuk mundëm t’i nxirrnim jashtë, ishin bllokuar.”, tha dëshmitari, raporton Protothema.
Ai shtoi se makina mori flakë shumë shpejt dhe filluan shpërthime nga gomat dhe zjarri i kamionit që goditi dy automjetet.
Viktimat shqiptarë po ktheheshin nga një dasmë në Xanthi, kur kamioni goditi fillimisht një kamion tjetër dhe më pas makinën ku ndodheshin një grua shtatzënë, bashkëshorti i saj dhe dy fëmijët, 4 dhe 6 vjeç.
Ngjarja nxjerr në pah rrezikun e aksidenteve në autostrada dhe pasojat tragjike që mund të kenë për familjet dhe komunitetet shqiptare që jetojnë në Greqi.
