Presidenti rus Vladimir Putin nuk ishte në tryezën e bisedimeve me Presidentin Donald Trump, udhëheqësit evropianë dhe Presidentin ukrainas Volodymyr Zelensky këtë pasdite, por pikpamjet e tij nuk munguan.
“E njoh prej kohësh, gjithmonë kam pasur një marrëdhënie të shkëlqyer me të. Mendoj se edhe Presidenti Putin dëshiron të gjejë një përgjigje. Do ta shohim,” tha Trump për homologun e tij rus.
Edhe pse Trump dukej sikur po fliste në emër të Putinit, pak nga udhëheqësit evropianë të mbledhur në Shtëpinë e Bardhë të hënën e përmendën atë me emër. Ndërsa udhëheqësi rus është në qendër të gjithçkaje dhe do të përcaktojë kryesisht fatin e Ukrainës mbetet një pyetje e hapur nëse Putin është pothuajse aq i përqendruar në arritjen e një marrëveshjeje paqeje sa ka sugjeruar vazhdimisht Trump.
Trump tha se priste që së shpejti të zhvillohej një takim trepalësh midis Rusisë, Ukrainës dhe Shteteve të Bashkuara.
“Mendoj se do të jetë kur, jo nëse,” tha Trump.
Por pyetja kur mund të jetë një pyetje që tregon shumë më tepër sesa thjesht kohën. Do të sugjerojë shkallën në të cilën Putini është serioz në lidhje me negocimin e përfundimit të luftës ose thjesht përpjekjen për të blerë kohë, siç dyshojnë shumë kritikë. Trump përdori një ton optimist, por i la vetes hapësirë për zhgënjim.
“Është e mundur që kjo të mos jetë e mundur të bëhet. Nga ana tjetër, është e mundur që të ndodhë. Ne duhet të japim më të mirën tonë. Kjo është e gjitha që mund të bëni,” tha Trump./CNN
