Një 57-vjeçar është vënë në pranga në pikën kufitare të Kapshticës, pasi u kap duke transportuar mallra të kontrabanduara nga Greqia drejt Korçës.
I arrestuari është identifikuar si Thodhori Braholli, banues në fshatin Plasë. Gjatë kontrollit në vijën e dytë, policia i gjeti në automjet produkte ushqimore, pije alkoolike, dhjetëra steka cigare dhe disa aparate celularë, të gjitha pa dokumentacion shoqërues.
Mallrat u sekuestruan në cilësinë e provës materiale, ndërsa 57-vjeçari akuzohet për “Kontrabandë me mallra që paguhet akcizë” dhe “Kontrabandë me mallra të tjerë”.
