Të paktën 307 persona kanë humbur jetën nga përmbytjet dhe rrëshqitjet e dheut në Pakistan dhe Kashmirin e administruar nga Pakistani, me shumicën e viktimave në provincën malore Khyber Pakhtunkhua.
Në këtë rajon janë dëmtuar të paktën 74 shtëpi, ndërsa një helikopter shpëtimi u rrëzua, duke vrarë pesë anëtarë të ekuipazhit.
Në Kashmirin e administruar nga Pakistani humbën jetën nëntë persona, dhe pesë të tjerë në Gilgit-Baltistan.
Ndërkohë, në Kashmirin e administruar nga India, të paktën 60 persona vdiqën nga një përmbytje që përfshiu një fshat në Himalaje.
Shirat e dendur pritet të vazhdojnë deri më 21 gusht, ndërsa disa zona janë shpallur zona fatkeqësie. Ekspertët thonë se ndryshimet klimatike po ndikojnë në shtimin e ngjarjeve ekstreme të motit në rajon.
