Një muaj pas përfundimit të sezonit më të mirë në historinë e tyre, PSG e nis sezonin e ri me mundësinë për të fituar një tjetër trofe.
Klubi francez fitoi tripletën sezonin e kaluar, përfshirë trofeun e tyre të parë të Champions League, por humbi 3-0 ndaj Chelseat në finalen e Kupës së Botës për Klube në New Jersey muajin e kaluar.
Tani kampionët evropianë përballen me një tjetër klub londinez, teksa takohen sonte me fituesit e Europa League, Tottenham, në Udine të Italisë në Superkupën e Evropës.
Nëse do të fitonte sot kundër Spurs, ky do të ishte trofeu i pestë i PSG-së për vitin kalendarik 2025, përfshirë ‘Trophee des Champions’, ose thënë ndryshe Superkupën e Francës, në të cilin PSG mundi Monacon 1-0 në Doha në janar.
Titulli i Ligue 1 u sigurua më 5 prill, me gjashtë ndeshje të mbetura për t’u luajtur dhe klubi ende i pamposhtur gjatë sezonit. Ata humbën dy nga katër ndeshjet e fundit në ligë, por trofeu ishte tashmë ‘në xhep’.
PSG mundi Reimsin 3-0 në finalen e Kupës së Francës për të kompletuar një “dopietë” vendase dhe më pas mundi Interin 5-0 në finalen e Champions League në Mynih për të siguruar ‘tripletën’.
Te PSG situata nuk është aq e qetë, teksa portieri Donnarumma është lënë jashtë ekipit për shkak se nuk rinovoi, ndërsa duket se do largohet këtë verë nga Parisi, ose do qëndrojë në stol.
Veç tij, Luis Enrique nuk do ketë të gatshëm edhe Mukiele dhe Neves. Nga ana tjetër, Thomas Frank te Tottenham ka nëntë mungesa, përfshi emra si: Dragusin, Gil, Kulusevski, Maddison apo Udogie.
Historia e përballjeve ‘kokë më kokë’ mes PSG-së dhe Tottenham PSG dhe Tottenham nuk janë takuar kurrë në një ndeshje që vlen konkurrimin.
PSG ka fituar pesë nga tetë ndeshjet kundër klubeve angleze (3 humbje) në vitin 2025, ndërsa përplasja e fundit e Tottenhamit me një kundërshtar francez i pa ata të mposhtnin dy herë Marsejën në Ligën e Kampionëve 2022-23.
Statistikat
Nëntë ndeshjet e fundit të PSG-së në Evropë e panë ekipin fitues të mbante portën e paprekur.
Kampionët në fuqi të UCL kanë fituar 11 nga 12 Superkupat e UEFA-s të fundit.
Pesë nga gjashtë humbjet e fundit zyrtare të Tottenhamit erdhën me një diferencë prej 2+ golash.
Shtatë nga dhjetë Superkupat e fundit të UEFA-s janë vendosur nga koha shtesë ose penalltitë.
