Rasmus Hojlund duket se po bindet gjithnjë e më shumë për t’u larguar nga Manchester United dhe i ka hapur derën një lamtumire nga “djajtë e kuq”.
Dëshira e tij për të qëndruar në Manchester, pavarësisht mbërritjes së Sesko, nuk është zhdukur plotësisht, por ai mori konfirmim se nuk ka më vend për të në planin e trajnerit të Amorim.
Asnjë minutë në fushë në miqësoren kundër Fiorentina ishte një mesazh të qartë, por atij iu përsërit se edhe me fillimin e Premier League (këtë fundjavë), gjërat nuk do të ndryshojnë për të. Lojtari e ka pranuar këtë dhe ka filluar të marrë në konsideratë një të ardhme larg “Old Trafford”.
Ky është lajmi i parë i mirë për Milan, të cilët e kanë vendosur atë në krye të listës aktuale të përforcimeve për pozicionin e qendërsulmuesit.
Megjithatë, marrëveshja mbetet e ndërlikuar. Një marrëveshje është arritur me United mbi kushtet e marrëveshjes (huazim me mundësi blerjeje), por ende jo për shifrat.
Furlani dhe Tare e vlerësojnë lojtarin rreth 35 milionë euro dhe synojnë të paguajnë një huazim prej 3-4 milionë eurosh, plus një mundësi blerjeje të vendosur në 30-32 milionë euro. “Djajtë e Kuq” po kërkojnë një huazim prej të paktën 7-8 milionë eurosh dhe një vlerë totale marrëveshjeje prej 40-45 milionë eurosh, duke përfshirë bonuset.
Hendeku mund të mbyllet shpejt, sapo lojtari t’i japë dritën jeshile një transferimi te Milan. Rasmus aktualisht është i interesuar të veshë fanellën e kuqezinjve. Milan duhet të veprojë shpejt për të parandaluar klubet e tjera që ta joshin danezin.
