Një episod i pazakontë është regjistruar këtë të diel në Lushnje, ku një automjet me targa të Ministrisë së Brendshme (MB 436 AA) “çau” trafikun mes kolonave të makinave, jo për një emergjencë zyrtare, por për të shkuar drejt plazhit dhe argëtimit.
Sipas një denoncimi nga JOQ, në mjet udhëtonte një çift i ri me kapele plazhi, të cilët ndezën fenelinat dhe kaloi me shpejtësi mes dy kolonave të makinave të bllokuara, duke detyruar shoferët e tjerë të shmangeshin.
“Desh na përplasën, na detyruan të dalim nga rruga”, tregon denoncuesja, duke shtuar se ngjarja ndodhi pranë fshatit Dushk.
Sipas verifikimeve të kryera nga redaksia e Boldnews.al, ky mjet rezulton të jetë i Gardës së Republikës dhe përdoret nga ish-komisionerë të Vetingut.
