Drafti i Kodit të ri Penal, i prezantuar nga Ministria e Drejtësisë dhe që pritet të diskutohet që në shtator në Kuvend, ka ngjallutr debate të forta mes juristëve dhe jo vetëm, nga “perlat” që ka shkruar Arben Rakipi dhe grupi i eskpertëve të tij.
E duke folur për këtë temë, avokati Kujtim Cakrani ka reaguar ashpër ndaj Arben Rakipit që i kanë lënë në dorë bërjen e Kodit Penal, duke e konsideruar si një ish-prokuror mediokër, i cili nëse do të ishte sot në sistem, do të ishte shkarkuar nga vettingu për paaftësi
Po ashtu, avokati Cakrani pati kritika edhe sa i përket lënies së Shkollës së Magjistraturës në dorë të Arben Rakipit, teksa tha se ai sipas ligjit duhet të kishte kaluar vettingun, pa të jepte mësim aty, por kjo gjë nuk ka ndodhur.
“Ça formmi ka more Arben Rakipi, ça formi ka dreqi ta marrë?! Hë më thuaj? Ka qenë prokuror. E di si thonë italianët? Të keqen babai o bir kaq iditot sa je ti, vetëm prokuror mund të bëhesh. Po prokuror more, ça karriere ka ai në të drejtën penale? Ça karriere ka Ulsi Manja në të drejtën penale? Në qoftë se këta do të ishin në sistem sot, do të ishin përjashtuar nga vettingu. Mbase jo për korrupsion, por do ishin përjashtuar për paaftësi. Po more po, do ishin përjashtuar për paaftësi dhe për etikë. Këta janë… Si mund t’i lësh Kodin Penal të një vendi t’i ta bëjë një ish-prokuror pa thirrur aty avokatët, që janë ata të cilët i njohin mirë ligjet dhe që përballen dhe i dinë hallet dhe problemet e qytetarëve. Mjafton që të shikosh se kush e ka bërë Kodin Penal dhe pastaj e kupton se çfarë Kodi Penal kemi ne. Arrijnë në nivelet që Kodin penal këta i miratojnë një ish-prokuror në kushtet e mediokritetit, se ka qenë mediokër. Se ishte kryeprokuror dhe ishte kryeprokuror mediokër. Dhe pastaj ti i beson shkollën e Magjistraturës dhe e imagjon dot se çfarë mund të farkëtojë ky individi. Do farkëtojë Arben Rakipi studentë të Magjistraturës që nesër do bëhen prokurorë dhe gjyqtarë dhe pret ti që të bëhet sistemi i drejtësisë në Shqipëri. Arben Rakipi duhet të kalojë vettingun, se sipas ligjit, kush jep mësim te Magjistratura duhet të kalojë vetingun. E ka ligji.” – tha Kujtim Cakrani gjatë një interviste.
