Një incident i rëndë ka ndodhur mesditën e së martës më 8 gusht në ishullin Diaporos, në Halkidiki të Greqisë, ku një varkë me në bord shtatë persona nga Kosova dhe një shtetas amerikan është përplasur me bregun shkëmbor.
Zyrtarët e Autoritetit Portual reaguan menjëherë dhe mbërritën në vendngjarje, ku konfirmuan se tre nga personat në bord kanë pësuar plagë dhe janë dërguar për mjekim fillimisht në Qendrën Shëndetësore Agios Nikolaos, ndërsa më pas u transferuan në Spitalin e Përgjithshëm të Poligjiros për trajtim të mëtejshëm.
