Një ngjarje e rëndë ka ndodhur ditën e sotme në Bulqizë, ku si pasojë ka humbur jetën një 64-vjeçar. Mësohet se një minator me detyrë armator ka humbur jetën gjatë punës në minierën e Bulqizës.
Ngjarja ka ndodhur teksa po punonte për ndërtimin e një armature për të punuar minatorët e tjerë, ku një masiv minerali është shembur duke e zënë poshtë.
Shërbimet e emergjencës kanë shkuar menjëherë në vendngjarje, por fatkeqësisht ai ka ndërruar jetë në vend për shkak të plagëve të rënda.
Policia dhe grupi hetimor ndodhen në terren dhe kanë nisur hetimet për të zbuluar rrethanat e plota të aksidentit dhe për të përcaktuar nëse janë respektuar masat e sigurisë në punë.
