Presidenti i Shteteve të Bashkuara, Donald Trump, u ka bërë thirrje Kinës dhe Indisë që të ndalin blerjen e naftës nga Rusia, duke theksuar se përmes kësaj praktike po ndihmojnë financiarisht luftën e Kremlinit në Ukrainë.
Trump ka ngritur këtë çështje në kuadër të përpjekjeve të tij për të shtyrë presidentin rus, Vladimir Putin, të pranojë një armëpushim në konfliktin me Kievin.
Sipas një raporti të Institutit të Kievit, vetëm gjatë vitit 2025, eksportet e naftës pritet t’i sjellin Rusisë deri në 153 miliardë dollarë, një burim i rëndësishëm për financimin e luftës.
Trump ka qenë i zëshëm për çështjen e luftës Rusi-Ukrainë në javët e fundit, duke e bërë politikën energjetike një ndër pikat kyçe në retorikën e tij ndërkombëtare.
