Eliminimi i Partizanit në turin e parë të garave europiane ka shkaktuar një valë reagimesh nga tifozët më të zjarrtë të skuadrës, grupi “Ultras Guerrils”.
Në disa reagime të publikuara në rrjetet sociale, mbështetësit besnikë të “demave” kanë shprehur pakënaqësinë e tyre të thellë për menaxhimin dhe situatën e përgjithshme në klub.
Në reagimin më të fundit, Ultras Guerrils përshkruajnë Partizanin si një klub që funksionon me “drejtorë e këshilltarë fantazmë” dhe se të vetmit njerëz të gjallë që i kanë mbetur këtij klubi janë tifozët.
Tifozët kërkojnë largimin e “fantazmave” nga klubi dhe rikthimin e një menaxhimi serioz dhe transparent që do të ngrejë skuadrën në nivele më të larta.
Postimi:
“Ekipet shqiptare vazhdojnë rrugëtimim e tyre europian, gjejmë rastin ti urojmë suksese të mëtejshme dhe shpresojmë të shkojnë në grupe ashtu si Shkëndija.
Ndërkohë klubi ynë mbetet akoma në kuadrin e miqësoreve fantazëm të fituara me gola fantazëm, me drejtorë fantazëm, këshilltarë fantazëm, trajner fantazëm, blerje fantazëm, shitje fantazëm dhe ekip fantazëm, nivel fantazëm, pretendime dhe objektiva fantazëm, deklarata dhe përgjegjësi fantazëm… të vetmit njerëz të gjallë që i kanë mbetur këtij klubi janë tifozët. Larg fantazmat nga Partizani!”
