Teksa jemi në mes të verës, Tirana u përfshi ditën e sotme nga një stuhi shiu dhe breshëri, e cila zgjati vetëm për disa minuta.
Por, kaq ka mjaftuar që rrugët e kryeqytetit të përmbyteshin sërish dhe shkaku duket se janë ndërtimet pa kriter dhe pusetat e bllokuar, për të cilat duket se administrata e Bashkisë kujtohet vetëm kur bie shi.
Siç shihet në videot e mëposhtme, rrugët e Tiranës janë të mbushura me ujë, ndërsa automjetet e bllokuara përpiqen të kalojnë me vështirësi.
Situata edhe më e vështirë ka qenë për këmbësorët, që u duhet të kalonin mes ujit, pasi Tirana u kthye në një “Venecia”, jo nga bukuria, por nga ndërtesat e rrethuara nga uji.
