Lajmi se aktorja amerikane Sydney Sweeney është përsëri “single”, ka nisur një fushatë të mirëfilltë mesazhesh nga futbollistë të Premier Ligës që janë gati ta ftojnë për një takim.
Aktorja 27-vjeçare është aktualisht një nga emrat më të njohur në Hollivud dhe lajmi se është ndarë nga i fejuari i saj, Jonathan Davino, ka bërë që shumë futbollistë të hidhen në sulm për të siguruar një takim me të.
“The Sun” ka mësuar nga burime pranë aktores se ajo ka marrë mesazhe nga shumë yje të skuadrave të Mançester Junajtid, Liverpul dhe Arsenal, të cilët ishin të gatshëm të dërgonin avionë çarter për ta sjellë për takime në Europë. Por ajo raportohet se i ka refuzuar të gjithë.
“Mesazhet e saj në Instagram janë të mbushura me mesazhe nga të emra të njohur që po mundohen ta kontaktojnë. Janë kryesisht djem që luajnë për skuadra si Manchester United, Liverpuli dhe Arsenali.
I kanë ofruar udhëtime në Europë që të takohen dhe të dalin bashkë, por ajo nuk është një person i tillë. Disa janë shumë ngulmues dhe janë munduar edhe t’i gjejnë adresën e shtëpisë për t’i dërguar lule, por i ka refuzuar të gjitha.
Mund të them se më shumë se 100 persona, nga të famshmit te milionerët, te njerëz shumë të pasur nga Lindja e Mesme dhe Azia, janë munduar ta kontaktojnë çdo muaj”, shpjegoi një person i afërt me aktoren për tabloidin britanik.
