Dy persona janë plagosur me mjet prerës dhe janë transportuar menjëherë në spitalin e Vlorës për të marrë ndihmën mjekësore.
Ngjarja ka ndodhur pas një konflikti mes tyre në lagjen Pelivan Leskaj te Vlorës.
Plagosja ka ardhur si pasojë e një grindjeje që ka degjeneruar në përdorimin e thikës.
Në ambientet e spitalit ndodhet edhe policia, e cila ka nisur hetimet për të zbardhur plotësisht rrethanat e ngjarjes.
Gjendja shëndetësore e të plagosurve raportohet të jetë jashtë rrezikut për jetën.
Ndërkohë në vendngjarje është gjetur dhe thika, po ashtu dy persona te dyshuar për ngjarjen janë shoqëruar në ambientet e policisë së Vlorës.
