UEFA ka zyrtarizuar axhendën e ndeshjes së parë të turit të tretë të Ligës së Konferencës mes Olimpija Ljubljanës dhe Egnatias.
Rrogozhinasit luajnë ndeshjen e parë në transfertë të enjten e ardhshme përballë kampionëve të Sllovenisë.
UEFA ka zyrtarizuar orën 20:00 për fillimin e sfidës, që do të luhet në “Stadion Stožice”, impiantin prej 16 mijë vendesh që ka kushtuar rreth 120 milionë euro dhe në të cilin luan edhe përfaqësuesja e Sllovenisë.
Njëkohësisht, UEFA ka caktuar për këtë sfidë një trupe skoceze për të drejtuar ndeshjet. Skocezi Xhon Biton, i cili nuk ka precedentë me klubet shqiptare në Europë, do të jetë kryesor i takimit, i mbështetur nga asistentët Devid MekGiçi dhe Grem Stjuart, me Kalum Skot si gjyqtar i katërt.
Donald Robertson është caktuar në sallën e VAR-it për këtë duel, ndërsa Rajan Li do të jetë në VAR.
