David Fadairo është zyrtarisht lojtar i Teutës. Klubi durrsak e ka prezantuar anësorin 24-vjeçar, ndërsa po zhvillon fazën përgatitore në Poloni.
Fadairo ka një karrierë interesante në Nigeri, Sllovaki, Austri, Qipro dhe Çeki. 24 vjeçari i krahut të djathtë ka luajtur për ekipe si Lagos Islanders, Podbrezova, Stripfing, Alki Oroklini dhe Banik Ostrava.
Fadairo ishte për herë të fundit pjesë e Tatran Presov në Sllovaki.
Njoftimi i Teutës:
“David Fadairo është zyrtarisht lojtar i Teutës!
Anësori nigerian, 24 vjeç, vjen nga klubi Tatran Prešov në Sllovaki, ku është aktivizuar rregullisht gjatë sezonit të fundit.
Me eksperiencë në liga si ajo e Sllovakisë, Republikës Çeke, Qipros dhe Austrisë, Fadairo është një profil ofensiv që sjell shpejtësi, driblim dhe fleksibilitet në krahët e sulmit”, shkruan Teuta.
