Në letër, fillimisht dukej një mision i shumë i vështirë, por suksesi 2-1 në “Loro Boriçi” i jep Vllaznisë një shans të madh për të synuar kualifikimin për në turin e tretë të Conferencë League.
Për të arritur këtë objektiv historik, kuqeblutë duhet minimumi të dalin të pamposhtur kundër Vikingur Reikjavik.
Në Islandë, aty ku ndodhen që nga dita e martë, Erdenis Gurishta zbulon se atmosfera brenda ekipin është shumë pozitive, të gjithë janë gati për këtë ndeshje të fortë:
“Atmsofera mbetet pozitive. Është ndeshje me emocione dhe kemi mundësi për të kaluar në turin tjetër. Jemi gati, kemi ardhur që dje, po përshtatemi me klimën. Shpresoj që të afrojë orari i ndeshjes dhe do futemi në fushë për kualifikimin. Jemi me moralin lartë, nuk dorëzohemi sido që të shkojë”– tha Gurishta.
Melos Bajrami ishte një nga protagonistët absolut në sfidën e parë, ku goli i tij i hapi rrugën përmbysjes së madhe. Mbrojtësi shprehet i bindur se ekipi i tij do të jap gjithçka në fushë, por kjo është një ndeshje ku lejohen hapa fals.
“Po me thënë të drejtën është një rezultat që na jep besim, por nuk të le të gabosh. Duhet të jesh i përqëndruar gjatë gjithë kohës në maksimum. Edhe nëse do të kishim humbur ndeshjen në Shkodër, këtu do të vinim prapë për fitore. Presim nesër edhe shohim”-tha Bajrami.
Vikingur-Vllaznia luhet të enjten, në Islandë, në orën 20:45.
