Janë zbardhur detaje të reja nga dosja e SPAK, ku në bashkëpunim me autoritetet europiane, u godit një rrjet ndërkombëtar i trafikut të drogës, duke sekuestruar kokainë me vlerë tregu prej 411 milionë eurosh.
Urdhër-arreste u lëshuan për Plaurent Dervishajn, Erion Alibejn, vëllezërit Artur dhe Klevis Hoxhosmani, Ermir Ndreajn, apo edhe për biznesmenin Elidon Skëndaj, i njohur dhe me emrat Devid Patrut dhe Devid Boraj. Operacioni u bazua në komunikimet në aplikacionin e enkriptuar “Sky Ecc”.
Në një prej bisedave, e cila është pjesë e dosjes së SPAK, Plaurent Dervishaj dhe Artur Hoxhosmani, i njohur si “Turi Burrelsi”, flasin për sekuestrimin e një sasie prej prej 4 tonësh në Belgjikë.
Dervishaj deklaron se në atë ngarkesë kishte 811 pako, ndërsa në të njëjtën ditë, 28 Prill të vitit, 2020, Artur Hoxhosmanit nga komunikimet rezulton se i është sekuestruar në Belgjikë një sasi lënde narkotike, e kamufluar në të njëjtën mënyrë, në lëndë drusore.
Artur Hoxhosmani: Mos pyt vlla, e sigurt qe jan kap
Plaurent Dervishaj: Mos u merzit vlla ske ca me bo
Artur Hoxhosmani: Po sme ka shkrujt akoma po ka kry ouna dhe ajo
Plaurent Dervishaj: Jan kap 4 ton do jete aty, e futen ne skaner te gjithë anijet, 811 cop, ka shku shoferi me terheq e si ka pelyq sjellja, e ka hudh skain. I kan thon do shkojm ne skaner dhe i kan kontrollu makinen i kan thon ku ke tel tjetër. I ka thon skam tel vec ket, e kan lon shoferin me ik, besoj po e rujn. Tani besoj do e cojn ne kompani kutin e do presin do lajmoj kompania qe ka mall mren shtetin. Se as firmes nuk i kan komuniku gjo. Mos e vrit menjen tha se sjemi zero me tha. Do e rikuperojm shum shpejt tha
