Apeli i GJKKO-së ka lënë në fuqi masat e sigurisë të caktuara ndaj kreut të KPP, Jonaid Myzyri.
Jonaid Myzyri kishte apeluar vendimin e GJKKO-së, por gjyqtarja Igerta Hysi la në fuqi masën e pezullimit nga detyra e kreut të KPP dhe atë të detyrim paraqitje.
“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Igerta Hysi, sot më 28.07.2025, shpalli vendimin mbi çështjen penale nr. 53 akti, datë 21.07.2025 regjistrimi, mbi ankimin e personit nën hetim J.M.
Gjykata e Posaçme e Apelit vendosi: Miratimin e vendimit nr. 61, datë 30.06.2025 dhe vendimit nr. 67, datë 04.07.2025 të Gjykatës së Posaçme të Shkallës së Parë për Korrupsionin dhe Krimin e Organizuar”, thuhet në njoftimin e Gjykatës së Posaçme të Apelit.
