Policia e Vlorës ka reaguar pas publikimit të një videoje ku shfaqeshin dy automjete duke kryer manovra të rrezikshme në aksin rrugor Vlorë–Orikum.
Pas verifikimeve të kryera nga Policia Rrugore e qytetit, rezultoi se drejtuesit e dy automjeteve me targa të Maqedonisë së Veriut kishin shkelur disa rregulla të qarkullimit, përfshirë: zhvillimin e garave me shpejtësi të lartë, parakalime të rrezikshme në kthesa, mospërshtatjen e shpejtësisë në zona me fushëpamje të kufizuar, si dhe mosruajtjen e pozicionit në karrexhatë.
Në përfundim të procedurave, ndaj secilit prej shoferëve u vendos një masë administrative me vlerë 62,000 lekë.
