Gazetari Basir Çollaku ka komentuar denoncimin e kryedemokratit Sali Berisha, i cili një ditë më parë publikoi emrat e organizatave kriminale që Edi Rama u ka dhënë leje ndërtimi në këmbim të përdorimit të tyre në zgjedhjet e 11 majit.
Më tej Çollaku u shpreh se, Edi Rama i porosit vetë kullat, prandaj dhe nuk pyet se nga vijnë paratë për ti ndërtuar edhe pse ai i di.
Ndërsa po ashtu gazetari theksoi se pesha e krimit të organizuar në vendet perëndimore është rritur ndjeshëm.
“Verbëria e tij për llaç dhe tulla e ndërtesa të larta është një azmë e re për kryeministrin. Jo nuk i sheh, por i lejon, i porosit. Është fasoneria kryesore me të cilën merret ky kryeministër.
Në çdo faqe publike ku futesh të këtyre zyrave ku bëhen dosjet, ato janë dosje kombëtare ne u themi ndërkombëtare, se të dhënat janë marrë në Shqipëri, janë kthyer në anglisht dhe janë kthyer tek ne që ti ripërkthejmë dhe themi se, këto grupe kriminale kanë marrë kulla.
Ku i kanë marrë këto kulla? Në zyrat që drejton kryeministri, ku tjetër.
Gjyqet që bëhen në Gjermani, Belgjikë, Francë, Holandë, dalin nëpër procese gjyqësore të dhëna me emra dhe mbiemra të grupeve kriminale që kanë investuar me miliarda euro në Shqipëri, në Tiranë dhe në bregdet.
Të zbresim pak në bregdet. Është pasuria e vetme e mbetur ende e pa masakruar. A ka mbetur gjë e pa dhënë, e pa shitur. Ne do ta shohim vetëm në internet, sepse do të jetë i gjithi anglisht, frëngjisht, gjermanisht etj.
Kjo lidhje e Ramës me këto grupe të paligjshmërisë ekstreme që vijnë nga bota e kokainës. Shih portin e Durrësit, kush e kontrollon, kush e komandon, sa ngarkesa kokaine janë sekuestruar.
Prej afro 3 vitesh ka një zyrë të DEA-s në Tiranë, pse ka ardhur? Kur vjen DEA, DIA, CIA, Europoli, shërbimet gjermane, franceze, italiane, kjo do të thotë se pesha e krimit të organizuar në vendet e tyre është rritur ndjeshëm“, tha ndër të tjera gazetari Basir Çollaku në SYRI TV.
