Një 21-vjeçar ka terrorizuar banorët dhe pushuesit në zonën e Kunes në Shëngjin, pasi dyshohet se ka qëlluar me armë zjarri në ajër, duke shkaktuar panik. Policia e Lezhës ka identifikuar dhe shpallur në kërkim të riun, banues në Lezhë.
Ngjarja ka ndodhur dy ditë më parë, ndërsa sot autoritetet konfirmuan identifikimin e të dyshuarit, shtetasit me inicialet A.N., banues në Lezhë.
Sipas njoftimit zyrtar, dyshohet se i riu ka qëlluar me armë në ajër pa shkak, duke terrorizuar komunitetin lokal dhe pushuesit në zonë. Specialistët për Hetimin e Krimeve në Komisariatin e Shëngjinit kanë kryer veprimet paraprake dhe dosja i është referuar Prokurorisë së Lezhës.
