Një aksident i rëndë automobilistik është regjistruar mbrëmjen e djeshme, rreth orës 23:10 në aksin rrugor Dhërmi–Palasë, ku ër pasojë ka humbur jetën një fëmijë, si dhe janë plagosur dy të tjerë.
Burime bëjnë me dije se shtetasi M K, 26 vjeç, nga Librazhdi, duke drejtuar në gjendje të dehur një automjet, ka humbur kontrollin mbi drejtimin e mjetit dhe për pasojë makina është përplasur me barrierat anësore të rrugës.
Si pasojë e aksidentit, ka humbur jetën një fëmijë 9 vjeç, Enea Prenga, i ndodhur pasagjer në automjet, teksa ka mbetur i plagosur pasagjeri tjetër, shtetasi E. A., 20 vjeç, i cili është dërguar me urgjencë në spitalin e Traumës dhe ndodhet nën kujdesin e mjekëve.
Ndërkohë, drejtuesi i mjetit ka pësuar lëndime të lehta dhe pas kryerjes së testit të alkoolit ka rezultuar në gjendje të dehur. Ai është arrestuar nga Policia për veprën penale “Drejtimi i automjeteve në mënyrë të parregullt”.
