Një aksident i rëndë automobilistik është regjistruar paraditen e kësaj të enjteje në Urën e Kardhiqit, në kryqëzimin Sarandë-Gjirokastër-Tepelenë.
Nga informacionet paraprake mësohet se një automjet tip “BMW” dyshohet se i ka prerë rrugën një ambulancë të spitalit të Tepelenës, e cila ka qenë duke transportuar një pacient drejt spitalit të Gjirokastrës. Për pasojë, dy mjetet janë përplasur me njëra-tjetrën, teksa pas përplasjes, ambulanca ka përfunduar jashtë rruge, ndërsa automjeti është dëmtuar në pjesën e përparme.
Si pasojë e aksidentit kanë mbetur të plagosur tre persona, dy drejtues të automjeteve të përfshira në aksident dhe pacienti i cili po transportohej me aambulancën e përfshirë në aksident.
Pacienti pas përplasjes është dëmtuar edhe më shumë, ndërsa kanë ngelur të lënduar lehtë dy drejtuesit e mjeteve respektive. Policia ndodhet në vendin e ngjarjes.
