Një aksident i rëndë ka ndodhur mbrëmjen e së mërkurës në aksin nacional Lezhë – Shkodër, pranë fshatit Fishtë.
Një automjet është përplasur me një trailer me targa serbe dhe për pasojë ka dalë nga rruga, duke përfunduar në një kanal anës rrugës.
Nga përplasja e fortë, një grua rreth 60 vjeç ka humbur jetën në vend, ndërsa katër persona të tjerë kanë mbetur të plagosur.
Të lënduarit janë transportuar me urgjencë në spitalin e Lezhës dhe të Shkodrës, ndërsa një prej tyre mësohet se ndodhet në gjendje të rëndë.
