Policia e Tiranë ka arrestuar një shpërndarës droge në Tiranë, i cili ka tentuar dhe t’i fshihej uniformave blu. Në pranga është vënë shtetasi K. K., 21 vjeç, banues në Tiranë, i cili akuzohet se shiste doza kanabisi
“Ky shtetas, kur është konstatuar nga punonjësit e Policisë, në rrugën “Albanopoli”, ka hedhur lëndën narkotike në tokë dhe ka tentuar të fshihet në një ambient (bilardo) që kishte në përdorim.
Gjatë kontrollit në këtë ambient, shërbimet e Policisë gjetën një sasi lënde të dyshuar narkotike cannabis sativa, të ndarë në doza, gati për shitje, një shumë parash që dyshohet se 21-vjeçari e ka përfituar nga kjo veprimtari kriminale, 1 peshore dhe 3 celularë.” – thuhet në njoftimin e Policisë.
Materialet procedurale i janë referuar Prokurorisë së Tiranës për veprime të mëtejshme.
