Diplomati Agim Besho shprehet se pavarësisht se kryeministri Edi Rama ka fituar zgjedhjet e 11 majit, koha po tregon se ai po diskreditohet dita-ditës.
Nesho tha se po mblidhen prova të pakundërshtueshme, të cilat do të tregojnë se zgjedhjet parlamentare të 11 majit kanë qenë të blera, të fituara nga pushteti, gjë që sipas diplomatit do të vënë në diskutim legjitimitetin e Ramës si kryetar qeverie.
Sipas Neshos, Rama është i vetmi që kundërshton vetveten, dhe si i tillë është i vetmi që nuk ka zbatuar e përmbushur asnjë detyrim ligjor që vijnë nga dispozitat e BE-së për të integruar Shqipërinë në union.
Për diplomatin Nesho, Rama e ka kthyer Shqipërinë në ‘njeriun-shtet’, pa asnjë vizion për zhvillimin e vendit, porse vetëm një hapësirë monokulturë, me turizëm të personalizuar në shërbim të tij dhe oligarkëve rreth vetes.
“Është një nga çështjet kryesore sot që ballafaqohet politika shqiptare. Është brenda absurdit të zgjedhjeve të 11 majit. Rama sot vërtet ka fituar zgjedhjet, nga dita në ditë po diskreditohet. Po mblidhen fakte të pakundërshtueshme, që tregojnë zgjedhje të blera, të marra me fuqi që tregojnë se legjitimiteti i pushtetit të Ramës vihet në diskutim.
Kemi deklaratat në PE, ku përfaqësuesi i tyre tha se krimi i organizuar s’lejon rotacionin politik në Shqipëri. Është tejet e rëndë për një regjim të korruptuar si Rama, gjithë kjo situatë e ‘padëmdshme’ për ta transformuar, për të krijuar një kaos të tërë, me veprime që kundërshtojnë platformat e mëparshme të veprimtarisë së rilindjes.
Është i vetmi që kundërshton vetveten e tij. Kemi një Ramë, që kërkon një ligj të vendosur nga ai, por është njeriu antiligj, se s’ka zbatuar asnjë detyrim ligjor që vijnë nga dispozitat e BE, për të integruar Shqipërinë në të. Është njeriu që ka vepruar në një mënyrë për të imponuar idetë e tij nën forma joligjore. Veçse Rama e ka kthyer Shqipërinë në njeriun-shtet, është një person që është pa vizion, ka mangësi në edukim e vizionin se si e ka kthyer Shqipërinë në 12 vjet, duke mos realizuar asnjë zhvillim në teknologji, arsim e shkencë.
Shqipëria është kthyer në një hapësirë monokulturë, me zhvillim turizmi që prodhon për Ramën e klikën e tij të oligarkëve, e jo për të rritur mirëqenien e popullit. E gjithë kjo është krizë e vizionit, besimit, krizë për të tërhequr vëmendjen, duket se është në një situatë kritike.
Ai s’mendon të fitojë pikë, mendon se shteti i përket atij. Çdo gjë është personalizuar nga Rama. Rama, perandori i Shqipërisë, nuk mendon më për opinionin publik, është i zhytur në korrupsion me manipulimet financiare të pronës publike dhe situatës së brendshme e kaotike.
Mendon të krijojë një momentum të ri, që është mbi palët, po bën diversion që të marrë njerëz të lëkundur nga krahët politike për të thënë që është simbol i përparimit të Shqipërisë. Për Ramën s’kanë rëndësi opinionet, se deri më tani ka manipuluar. Kërkon të fitojë kohë, mendon që në një situatë dëshpëruese, ku ka larguar shqiptarët e shikon se reagimi është minimal, duke ushtruar presion ndaj institucioneve të kapura prej tij.
Rama kërkon të fitojë kohë, të ketë mundësi që projektet t’i realizojë jo me BE, të kapë shtetin dhe një bashkëpunim me vendet e botës arabe apo ato që i konsideron strehë të sigurt të pushtetit”, tha Nesho per SYRI TV.
