Milan ka nisur turneun aziatik, ku pas disa ditësh do të përballet me Arsenal në një ndeshje miqësore.
Ndërkohë që, në Milano punohet për të përforcuar edhe më tej ekipin, trajneri Massimiliano Allegri mendon vetëm për të tashmen.
Duke folur në konferencë për shtyp nga kampi stërvitor në Singapor, ai zbuloi dhe objektivin e skuadrës së tij në sezonin e ri teksa do të punohet për rikthimin e kuqezinjve në Champions League.
“Qëllimi është të kthehemi në Ligën e Kampionëve, gjë që nuk do të jetë e lehtë sepse ka skuadra shumë të pajisura mirë dhe konkurruese.” tha ai drejtuar gazetarëve.
Kur e pyesin se çfarë planifikon të bëjë ndryshe krahasuar me herën e parë që u ul në stolin e kuqezinjve, ai përgjigjet: “Këto janë situata të ndryshme nga 15 vjet më parë. Ne filluam 20 ditë më parë, skuadra po punon mirë”.
Merkato- Ekziston një sinergji totale me tregun e transferimeve dhe klubin, i cili po punon për të siguruar që ekipi të jetë konkurrues për të tre objektivat deri më 31 gusht”- tha Allegri para miqësoreve.
