Teksa mashtrimet kompjuterike që kanë për synim grabitjen e parave apo të dhënave janë një problematikat më të mëdha në kohët e sotme, duket se Autoriteti Kombëtar për Sigurinë Kibernetike (AKSK) ka dështuar në bllokimin e mesazheve mashtruese me linqe të dyshimta, të kamufluara si ‘Binance’ apo të aplikacioneve të tjera.
Ky fenomen vijon të jetë shqetësues dhe problematik për përdoruesit e aplikacionit të transferimit të parave.
Sipas një denoncimi të mbërritur në Boldnews.al, përdoruesve iu dërgohen mesazhe në celular se kanë fituar shuma të mëdha dhe se duhet t’i kontrollojnë për t’i tërhequr.
“Binance! Ke fituar 2270 BUSD si shpërblim për asetet e tua kripto! Kontrollo portofolin dhe merre shpërblimin”, shkruhet në mesazhet dërguar qytetarëve, me qëllimin për t’i vjedhur paratë.
Në të tilla raste, u bëhet apel qytetarëve që të mos klikojnë dhe të mos hapin linqet që dërgojnë hakerat, pasi synimi është vjedhja e të dhënave bankare dhe të aplikacioneve.
Lexo edhe:
KUJDES! Ky mesazh që u vjen në celular është mashtrim, u vjedhin të dhënat bankare
